Greiðslubyrðin!!

Jákvætt ef reyndin verður þessi en er þetta kannski bara íbúðarlánin ekki bílalánin?  

Vona svo innilega að þetta gangi eftir fyrir þá sem enn hanga með sín lán og eru ekki alveg gjaldþrota.

Hvað með þá sem búnir eru að missa allt sitt? 

 

Laufskálaréttir!!

Það er alltaf leiðinlegt að lesa svona fréttir. Laufskálaréttir örugglega gaman að vera þar og leiðinlegt að lesa um að unga fólkið  er illa á sig komið út af neyslu fíkniefna.

 En svona er ísland í dag.

Út um víðann völl í rokinu!!

Morgunblaðið komið með nýja áhöfn í ritstjórn  og verður áhugavert að fylgjast með skrifum þeirra á komandi mánuðum.

Þar sem D.O. fer um er aldrei nein lognmolla og nú mun safinn  renna af síðum þessa annars ágæta blaðs.

Þarf ekki litla íslenska þjóðin einnig nýja stjórn??

Er bara farin að hallast að því en þá er það stóra spurningin!! hver getur tekið við af röggsemi og látið verkin tala?       

Ekki heyrist mikið frá hinni heilögu mær og hennar fylgisveinum og nú er ég orðin ansi þreytt á þeirri umræðu sem hefur verið í samfélaginu, "talatalatala" (ég á nóg af tölum og skuldum) en svo gerist nánast ekkert.   

Nei galdrakallinn    sem ætlaði að gera svo mikið er búinn að tína sprotanum sínum.    

Svo ætla HH að efna til byltingar og hvetja til þess að við borgum ekki skuldir okkar, en hver á þá að borga þær??

Hver vill borga mínar??

Ekki fæ ég afskriftir af mínum skuldum eins og sumir af "auðmönnum" eru að fá.

Svona er ísland enn í dag og nú er komið eitt ár frá hruni.

Heilbryggðismálin í ömurlegum farvegi, lokun sjúkrastofnana og allt í lágmarki með þá þjónustu, já það er allt svelt vegna þess að nú á að spara og spara. Aumingja Ögmundur hvað á hann að gera?

En er sparað á réttum stöðum??

Hvað með bruðl ráðherra á ferðalögum? Nú síðast ráðherra menntamála??  

Utanríkisþjónustan! þar er nánast ekkert sparað eins og tölurnar sem voru í fréttunum um daginn sögðu um rekstur sendiráðsins í Japan. Svona má lengi telja. 

 Ég vil aðgerðir og Það á að setja stopp á ríkisbáknið og alla yfirbygginguna þar, er ekki komin tími á nálaraugað þar eins og annars staðar í þessu guðsvolaða landi þar sem þegnarnir eru farnir að fara í burtu frá og mikill mannauður flýr sökkvandi skútuna. 

það er sama hvaða rass situr við stjórnvölinn, það er eitthvað lítið hægt að gera.

Við erum glötuð enda bara lítið brot af hverfi í stórborgum heimsins.  Hverjum er ekki sama um þessa litlu eyju úti í ballar hafi. 

Eigið samt góða helgi í haustrokinu.