Haustið og kuldahrollurinn.

Þá er blessað haustið komið og nú fer að kólna þegar sólin fer að skína, kuldahrollur hefur verið að læðast að mér síðan ég heyrði fréttir af fundi seðlabankastjóra og þeirra sem eiga að stjórna.  þetta eru allt rosa töffarar sem eru alltaf að funda um eitthvað sem við máttum ekki vita, en er komið á daginn núna.  Einmitt eitt stykki banki að falli kominn og hvað svo? Ríkið hleypur undir með gífurlegri fjárhæð.  Fjármálakreppan mikla. Mörg heimilin að fótum komin vegna skuldbindinga hver bjargar þeim, örugglega ekki ríkisstjórnin.

Hvenær koma svo skömmtunarseðlarnir, ætli bankarnir úthluti þeim þegar ekki er hægt að kaupa vörur eða þegar fyrirtækin í landinu eru hætt framleiðslu á nauðsynjavöru.  Ekki finnst mér vera bjart haust eða vetur framundan. Þannig að kuldahrollurinn er kominn til að vera.    Er Davíð þá maður dagsins eða næturinnar, svei mér þá. Aðaltöffarinn.

Athugasemdir

[María Guðmundsdóttir (IP-tala skráð) 30.9.2008 kl. 22:00]

Jamm haustverkin eru alltaf á sínum stað. Góða nótt og knús til ykkar blogg vinkonur.

[Sigurbjörg (IP-tala skráð) 1.10.2008 kl. 09:46]

Já það er sko orðið SKÍTKALT.  Búin að ná í ullarsokkana og allt............