Gleðilegt ár og ferðaár!

Gleðilegt nýtt ár kæru vinir og vandamenn, vona að nýja árið verði okkur gott að mörgu leiti á þessum erfiðu tímum svartsýni og "kreppu".  Vona að heilsan og veðrið fari um okkur mildum höndum.

Jólin að verða búin og mikið um dýrðir með álfabrennum og tilheyrandi víða um land. 

Hér á suðurnesjum er allavega ein brenna og skrúðganga að henni með Álfadrottningu og kóngi, Grýlu og hennar hyski, fjörið endar svo með flugeldasýningu.

Um síðustu helgi var "hittingur" nokkra félaga á húsbílum við Höskuldarvelli, vorum með smá brennu, flugelda, hrekkjum, söng og gleði. Þetta var skemmtileg ferð með skemmtilegu fólki.

Nú er það næsta helgi ef veðrið verður svona gott þá brunar minn með mér á vit ævintýra og náttúru.    Kannski hitti ég einhverja á húsbílum eða að þeir slást í för með okkur græjunum. Set inn myndir frá helginni.

Athugasemdir

[María (IP-tala skráð) 6.1.2009 kl. 09:14]

Sæl Vallý og gleðilegt ár!

Já ég er alltaf á ferð og flugi á húsbílnum. Náttúran og ferðafrelsið togar mikið í mig þegar veður er ákjósanlegt til ferða. Nota hann daglega enda er þetta eðal kerra og sumarhús á hjólum með nánast öllum þægindum.   Nýárs knús.