Um allt og ekki neitt.

Þá er þessi vika langt komin og ansi margt að gerast í stjórnmálum, gengismálum, flutningum, þorrablótum, atvinnumissi og hneyksli hér og þar eins og gengur og gerist.

Ætla ekki að pirra mig meira á pólitíkinni ég hvort sem er fæ engu breytt varðandi þau mál, læt bara aðra um það.

Held bara mínu striki og mæti í vinnuna á virkum dögum og svo í hobbýið um helgar.

Nú eru að koma mánaðarmót og kvíðinn fer að gera vart við sig hjá mörgum því spurningin er, á ég fyrir skuldunum um þessi mánaðarmót?  Það eru örugglega margir sem eiga vart fyrir mat þegar búið er að borga skuldirnar sem þarf að borga um þessi mánaðarmót.

Ég var að lesa Dv áðan og þar var viðtal við mann sem er atvinnulaus og átti ekki fyrir mat, hann var búin að svelta í einn og hálfan sólahring því að það sem var til lét hann konuna sína borða, hann þakkaði Guði fyrir að eiga ekki börn. Þessi maður var að leita á náðir fjölskylduhjálparinnar í fyrsta sinn.

Já þetta eru erfiðir tímar hjá mörgum og eiga eftir að verða verri. því margir eru að missa vinnu næstu mánuði.  Hvar endar þetta? það veit nottlega enginn.

Nú um helgina er frumburðurinn að flytja hér í nágrennið svo að við verðum "grannar" þá getum við gægjast á hver aðra.

Nú svo skrepp ég auðvitað eitthvað á laugardag ef veðrið verður gott til útivistar og ljósmyndunar en veðurfræðingurinn var að spá einhverjum leiðindum.

Það er töluverður snjór hér svo ef hann fer að vera með einhverja metra í vindi þá er ekki gott færi til aksturs.

Verð að hafa gönguskíðin tilbúin svo ég komist út til nýju grannana.

 

 

Ég vil fagfólk sem hefur reynslu og kunnáttu........

 Til að taka að sér stjórn landsins okkar fram að kosningum. UTANÞINGSSTJÓRN.

Ég vil ekki fyrrverandi flugfreyju eða jarðfræðing til að stjórna landinu.

Vill fólkið í landinu áfram hafa þetta flokksveldi?

Vill fólkið í landinu hafa flokksræði en ekki lýðræði?

Við vitum að hér er ekkert þingræði heldur ofræði fárra manna sem vilja ráða og sitja sem fastast hvernig sem og hvað sem hver segir eða gerir.

Hvað verður ef Steingrímur kemst í fjármálin?

Verða  skattarnir ekki himinháir líklega eins og þegar skattmann Ólafur Ragnar Grímsson nú forseti íslands.

Ég er ekki búin að gleyma því.

Ögmundur í heilbrigðismálin en hann er búin að þvaðra um það í mörg ár að komið hafi verið mjög illa fram við öryrkja og ellilífeyrisþega.

Ætli lífsgæði þeirra batni?

Jóhanna sem forsætisráðherra. 

 Eru allir búnir að gleyma hvað hún gerði fyrir löngu varðandi húsnæðismálin í landinu.

Verðtryggingu og fleira.

Ætlar hún kannski að aftengja hana nú.

Kannski er fólkið í landinu búið að gleyma þessu.

Ég er ekki búin að gleyma fortíð þessa fólks í stjórnum landsins.

Margt væri hægt að tíunda hér í viðbót en læt það ógert því mér verður flökurt við að hugsa um þessi ár hvernig stjórnmálin voru og alþýðan skattpínd.

Ef allt á að verða svo gott þegar og ef þau taka við stjórninni hvar ætla þau að fá fjármagnið? 

Auðvitað með því að skattpína lýðinn.

Ég er mjög kvíðin.

 

 

Hvað verður um okkur ef.....!

Já ég spyr hvað verður um okkur nú þegar stjórnin er farin frá? 

Verðum við gjaldþrota eða höldum við höfði á meðan stjórnmálamenn plotta sín á milli hver fær hvað. 

Hver hefur betur Sjálfstæðisflokkurinn/risaeðlan, valdaskessan/Samfylkingin  eða helgrímur/Vinstri grænir. 

Þjóðin verður í rússneskri rúllettu næstu dægur.

Ég óska Geir og Ingibjörgu góðs bata og það kemur maður í manns stað því við vitum að enginn er ómissandi.

Nú er bara að finna rétta fólkið með viti, fagfólk til að taka á vandanum með nýrri stjórn fram að kosningum, skapa traust fólksins á ný og hefja uppbyggingarstarfið, skapa nýtt ísland, nýja tíma með upplýsingaflæði til fólksins í landinu.

Við viljum skemmdu eplin og æxlin í burtu.

Til hamingju með daginn strákar!

Ó hangikjöt, ó, hangikjöt, rófustappa, grænar baunir, súr hvalur.  Ó hangikjöt, ó hangikjöt, sviðasulta, hrútspungar og harðfiskur, og hákarl og flatbrauð mér finnst svo gott að borða allan þennan mat.

Já nú fagna flestir landsmenn Þorranum með góðgæti.  Hlakka til að fá mína súru punga.

Utanríkisráðherra er í veikindaleyfi.

Ingibjörg Sólrún er veik og í leyfi því þarf að fá aðra manneskju til að leysa hana af.  Hvað er eiginlega að gerast með Samfylkinguna er hún alveg máttlaus ef formanninn vantar?

Enginn er ómissandi.

Ingibjörg vill kosningar í vor

Yndislegir tónleikar!

Skrapp til Grindavíkur til að hlusta á Ólafsfirðinginn Jón Þorsteinsson óperusöngvara. Hef aldrei heyrt hann syngja hér á landi nema á geisladiski. Hörður Áskels. spilaði á orgelið sem hljómaði mjög fallega sérstaklega forspilið við upphaf flestra sálmanna.  

Efnisskráin: sálmar er hann söng mikið í kirkjunni sinni á Ólafsfirði í denn.  Þarna var fagmaður á ferð og yndislegur söngur hans yljaði manni í sálartetrinu.

 

Útsýnisturninn.

 Hvað ætli þurfi marga svona fyrir þá sem eiga að bera ábyrgð??

Hafa þá til sýnis eins og gert var við glæpamenn á fyrri tímum.

Austurvöllur, Lækjatorg, Leifsstöð og fleiri staðir þar sem mikið er af fólki.

Von mín er að....!

Já VON mín er að helmingi fleiri mæti á fundinn í dag.  Fólk er reitt yfir seinagangi og úrræðaleysi stjórnmálamanna.

Algjörar liðleskjur.

Það er ekki nóg að hirða launin sín.

Það þarf að sýna árangur í starfi og ábyrgð.

Útifundur á Austurvelli, nú mætum við öll. Síðasti fundur var um og yfir fimm þúsund manns.

VONA að nú komi fram NÝJAR RADDIR.

Vill ekki heyra í þeim gömlu og slitnu með sama bullið.

VONA að sjónvarpstöðvarnar og aðrir fjölmiðlar mæti til að  taka fundinn upp og sýna landsmönnum hvað fólkið vill og hefur að segja um landsmálin því ekki komast allir á fundinn.

Mér finnst fjölmiðlarnir ekki nógu duglegir að skrifa um og sýna fundina. Vill ekki sjá bara samhengislaust brotabrot eins og verið hefur.

VONA að þeir sjái sóma sinn og hysji upp um sig brækurnar og mæti með vélarnar, ekki vera hræddir við stjórana sem eru undirtyllur auðmannahringsins því við látum auðmenn ekki ráða yfir okkur.

VON mín er að ég geti mætt á fundinn.

 

Nýjar raddir boða fund

Fram-sókn. Mér er ofboðið.

Já framsókn eða til framsóknar eru bara orðin tóm í þessu landi. Hér er engin framsókn eða fram - sókn í neinu, allir lagstir í hýði eins og björninn. (Nema kannski nokkrir sprotar).

Algjörlega máttlaust lið bæði í ríkisstjórn og á Alþingi. Ekkert heyrist nema í manninum á götunni og eru kallaðir mótmælendur sem eru að koma saman hér og þar á fundum við óþökk stjórnmálamanna og þeirra er hafa matað krókinn og hafa látið milljarða hverfa svo að nú blasir við stórt svöðu sár hjá stoltri og duglegri þjóð.

Enginn ber ábyrgð eða þorir að stíga fram og axla ábyrgð.

Þetta eru hýenur og þær á að reka til fjalla. 

Útrásarvíkinga á að gera að útlögum. 

 En hvað með Framsóknarflokkinn, Það er dapurlegt að heyra hvað flokkur þessi er á lágum nótum.  Formaður kennir öðrum um ófarir og græðgi þó þeir hafi verið við stjórnvölinn í tólf ár með bláu hendinni en ég vona að gefi nú fljótlega upp öndina. Það er ósk mín að þessir flokkar ásamt Samfylkingu, VG. og Frjálsl. þurrkist út.

Ég vil að í næstu kosningum sem verða vonandi í vor verði kosið um menn en ekki flokka. Það er kominn tími á breytingar í þessum efnum og að ekki verði hægt að skýla sér með flokk á bak við sig.

Þá verða menn að taka ábyrgð og standa eða falla með gjörðum sínum.

Ég mun ekki kjósa neinn flokk þegar kosið er næst bara menn, ef ekki verður komið með slíkt framboð þá kýs ég ekki.

Framsókn vill sækja um ESB

Sveinki!!

Hvað eru ekki allir jólasveinar farnir úr byggð?

Það eru auðvitað til villuráfandi jólasveinar í borginni eins og framsóknarmenn sem ráfa á milli flokka í þeirri veiku von að fá eitthvað feit embætti.  

Lá við að fundurinn leystist upp