Utanríkisráðherra er í veikindaleyfi.

Ingibjörg Sólrún er veik og í leyfi því þarf að fá aðra manneskju til að leysa hana af.  Hvað er eiginlega að gerast með Samfylkinguna er hún alveg máttlaus ef formanninn vantar?

Enginn er ómissandi.

Ingibjörg vill kosningar í vor

Yndislegir tónleikar!

Skrapp til Grindavíkur til að hlusta á Ólafsfirðinginn Jón Þorsteinsson óperusöngvara. Hef aldrei heyrt hann syngja hér á landi nema á geisladiski. Hörður Áskels. spilaði á orgelið sem hljómaði mjög fallega sérstaklega forspilið við upphaf flestra sálmanna.  

Efnisskráin: sálmar er hann söng mikið í kirkjunni sinni á Ólafsfirði í denn.  Þarna var fagmaður á ferð og yndislegur söngur hans yljaði manni í sálartetrinu.

 

Útsýnisturninn.

 Hvað ætli þurfi marga svona fyrir þá sem eiga að bera ábyrgð??

Hafa þá til sýnis eins og gert var við glæpamenn á fyrri tímum.

Austurvöllur, Lækjatorg, Leifsstöð og fleiri staðir þar sem mikið er af fólki.

Von mín er að....!

Já VON mín er að helmingi fleiri mæti á fundinn í dag.  Fólk er reitt yfir seinagangi og úrræðaleysi stjórnmálamanna.

Algjörar liðleskjur.

Það er ekki nóg að hirða launin sín.

Það þarf að sýna árangur í starfi og ábyrgð.

Útifundur á Austurvelli, nú mætum við öll. Síðasti fundur var um og yfir fimm þúsund manns.

VONA að nú komi fram NÝJAR RADDIR.

Vill ekki heyra í þeim gömlu og slitnu með sama bullið.

VONA að sjónvarpstöðvarnar og aðrir fjölmiðlar mæti til að  taka fundinn upp og sýna landsmönnum hvað fólkið vill og hefur að segja um landsmálin því ekki komast allir á fundinn.

Mér finnst fjölmiðlarnir ekki nógu duglegir að skrifa um og sýna fundina. Vill ekki sjá bara samhengislaust brotabrot eins og verið hefur.

VONA að þeir sjái sóma sinn og hysji upp um sig brækurnar og mæti með vélarnar, ekki vera hræddir við stjórana sem eru undirtyllur auðmannahringsins því við látum auðmenn ekki ráða yfir okkur.

VON mín er að ég geti mætt á fundinn.

 

Nýjar raddir boða fund

Fram-sókn. Mér er ofboðið.

Já framsókn eða til framsóknar eru bara orðin tóm í þessu landi. Hér er engin framsókn eða fram - sókn í neinu, allir lagstir í hýði eins og björninn. (Nema kannski nokkrir sprotar).

Algjörlega máttlaust lið bæði í ríkisstjórn og á Alþingi. Ekkert heyrist nema í manninum á götunni og eru kallaðir mótmælendur sem eru að koma saman hér og þar á fundum við óþökk stjórnmálamanna og þeirra er hafa matað krókinn og hafa látið milljarða hverfa svo að nú blasir við stórt svöðu sár hjá stoltri og duglegri þjóð.

Enginn ber ábyrgð eða þorir að stíga fram og axla ábyrgð.

Þetta eru hýenur og þær á að reka til fjalla. 

Útrásarvíkinga á að gera að útlögum. 

 En hvað með Framsóknarflokkinn, Það er dapurlegt að heyra hvað flokkur þessi er á lágum nótum.  Formaður kennir öðrum um ófarir og græðgi þó þeir hafi verið við stjórnvölinn í tólf ár með bláu hendinni en ég vona að gefi nú fljótlega upp öndina. Það er ósk mín að þessir flokkar ásamt Samfylkingu, VG. og Frjálsl. þurrkist út.

Ég vil að í næstu kosningum sem verða vonandi í vor verði kosið um menn en ekki flokka. Það er kominn tími á breytingar í þessum efnum og að ekki verði hægt að skýla sér með flokk á bak við sig.

Þá verða menn að taka ábyrgð og standa eða falla með gjörðum sínum.

Ég mun ekki kjósa neinn flokk þegar kosið er næst bara menn, ef ekki verður komið með slíkt framboð þá kýs ég ekki.

Framsókn vill sækja um ESB

Sveinki!!

Hvað eru ekki allir jólasveinar farnir úr byggð?

Það eru auðvitað til villuráfandi jólasveinar í borginni eins og framsóknarmenn sem ráfa á milli flokka í þeirri veiku von að fá eitthvað feit embætti.  

Lá við að fundurinn leystist upp

Skítapest!!

Ja hérna nú er það brúnt, nánast allir læknar smitaðir af Nóru vírus á sjúkrahúsinu í Reykjanesbæ. Uszzz ljótt er.

Vonandi gengur þetta fljótt yfir og að hinn almenni Suðurnesingur fái  þetta ekki, nóg er nú samt af pestum hér.

Ætli Leppalúði hafi nokkuð komið á þennan spítala þegar hann vitjaði konu sinnar, en sagan segir að hann hafi farið með tölvuna til Grýlu á sjúkrahúsið þar sem hún sagðist vera með vírus.  

Læknarnir lagstir í pest

Gleðilegt ár og ferðaár!

Gleðilegt nýtt ár kæru vinir og vandamenn, vona að nýja árið verði okkur gott að mörgu leiti á þessum erfiðu tímum svartsýni og "kreppu".  Vona að heilsan og veðrið fari um okkur mildum höndum.

Jólin að verða búin og mikið um dýrðir með álfabrennum og tilheyrandi víða um land. 

Hér á suðurnesjum er allavega ein brenna og skrúðganga að henni með Álfadrottningu og kóngi, Grýlu og hennar hyski, fjörið endar svo með flugeldasýningu.

Um síðustu helgi var "hittingur" nokkra félaga á húsbílum við Höskuldarvelli, vorum með smá brennu, flugelda, hrekkjum, söng og gleði. Þetta var skemmtileg ferð með skemmtilegu fólki.

Nú er það næsta helgi ef veðrið verður svona gott þá brunar minn með mér á vit ævintýra og náttúru.    Kannski hitti ég einhverja á húsbílum eða að þeir slást í för með okkur græjunum. Set inn myndir frá helginni.

Áramótin nálgast!

Nú líður senn að áramótum með tilheyrandi hávaðamengun og reykjamekki.

Spáin er góð og það verður æðislegt að sjá frá mínum nýju bæjardyrum þegar suðurnesjamenn skjóta gamla árinu burt.  

Verð tilbúin með myndavélina á nýja þrífætinum og búin að lesa mér til í bókinni góðu svo að það á ekkert að klikka.

Ég vona bara að landsmenn styðji við bakið á björgunarsveitum og kaupi flugelda hjá þeim.  

Eftir jólamatinn!

Gleðilega hátíð kæru vinir, vandamenn og lesendur bloggsins. 

Nú eru búnir tveir dagar af jólahátíð og mín fjölskylda hefur eins og flestir landsmenn troðið í sig góðum mat og ótakmörkuðu áti á nammi og gosi.

 Ég var bara hress í morgun enda passaði ég mig á namminu og reykta kjötinu, borðaði grillaðar lambalundir en lét hamborgahrygginn vera.

Jóladagsmorgun, vaknað með "þynnku" í líkama eftir syndsamlegar unaðs stundir kvöldsins "alla malla" maturinn frá aðfangadag sagði til sín í liðum og þrútnum augnalokum, en mikið var samt gott að sleppa fram af sér beislinu.  

Svona fer þegar maður lifir fyrir augnablikið. 

Nú horfir allt til betri vegar í dag og svo er ein veislan í kvöld þar sem við systur höldum árlegt jólaboð með öllu tilheyrandi. Ég reyni nú að vera staðföst og forðast þann reykta og borða frekar það óreykta.

Við spilum Bingó þar sem allir spila og "allir" fá vinninga, já við erum svo stórtækar systurnar höfum marga vinninga. Einnig er slegið í annarskonar spil eins og póker eða vist svo getur einhver hafa fengið kreppuspilið þessi jólin og mætir með það.

Nú einnig eru þarna nokkrir sem spila á gítar og hljómborð þannig að við getum sungið nokkur jólalög með ungviðinu, engum ætti því að leiðast.

Það er alltaf gaman að hitta stórfjölskylduna.  

Til borgarinnar skal því halda til að hitta fjölskylduna og vísetera í Kirkjugarðinn, bara athuga hvort ekki er þar allt í friði og ró. Kveiki á nokkrum kertum þar. Huga einnig að lóðinni minni.

Á morgun laugardag er svo stórbrúðkaup og ekki slær maður af í áti þann daginn svo að á sunnudag verður bara léttmeti svo ég geti mætt til vinnu á mánudag.